11 кастрычніка жыхары горада на Бярэзіне прадэманстравалі дзіўны прыклад яднання і адказнасці за сваю малую радзіму. У гэты дзень увесь горад ад цэнтральных сквераў да прамысловых зон ахапіў сапраўдны працоўны ўздым. Ідэя навесці прыгажосць у кожным двары, прыватным домаўладанні і на кожнай вуліцы аб’яднала людзей самага рознага ўзросту і прафесій.
Не засталіся ўбаку і работнікі ААТ «Чырвоны харчовік», якія з энтузіязмам узяліся за добраўпарадкаванне тэрыторыі пры фабрыцы. Узброіўшыся не толькі венікамі, граблямі і мяшкамі для смецця, але і выдатным настроем, калектыў «салодкага» прадпрыемства правёў маштабную ўборку. Быў старанна вымецены асфальт, ачышчаны ад восеньскай лістоты газоны і пешаходныя дарожкі, прыведзены ў ідэальны парадак прыбардзюрныя зоны.
Па словах кіраўніцтва, такія суботнікі з’яўляюцца не толькі данінай шматгадовай рэспубліканскай традыцыі, але і жывым увасабленнем той чысціні, якая стала сапраўднай візітнай карткай Беларусі. Для бабруйчан гэта больш, чым гарадское мерапрыемства. Гэта глыбокая праява павагі да сваёй зямлі, дэманстрацыя асаблівага, гаспадарскага стаўлення да яе. Так мы паказваем, як цэнім і беражом нашы родныя вуліцы, робячы іх прыгажэйшымі для сябе і будучых пакаленняў.
