Навагоднюю калону тэхнікі ўпрыгожылі брэндаваныя «Волга» і «Жыгулі», фабрычныя Дзед Мароз са Снягуркай і іх памочнікі частавалі юных бабруйчан прысмакамі, а ў паветры лунаў водар надыходзячых свят!
Кульмінацыяй шэсця стала ўрачыстая цырымонія запальвання агнёў на галоўнай гарадской ёлцы. Тысячы агнёў азарылі плошчу Леніна, і быў дадзены старт навагодняму марафону цудаў і здзяйснення жаданняў.
Дырэктар фабрыкі Ігар Кісель падзяліўся сваімі ўражаннямі: «Мы рады быць часткай гэтага чароўнага свята, і рады, што змаглі падарыць дзецям салодкія эмоцыі і адчуванне сапраўднага цуду. Няхай нашы прысмакі, якія саграваюць зімовымі вечарамі, стануць адным з самых цёплых успамінаў!»
